कोरोची (कोल्हापूर) : वीर सेवा दलाच्या कोरोची शाखेच्या वतीने कोरोची येथील शांतिसागर मैदान व स्मशानभूमी परिसरात वृक्षारोपण करण्यात आले. विविध प्रकारची ५० रोपे या वेळी मान्यवरांच्या हस्ते लावण्यात आली.
वृक्षारोपणासाठी कोरोची ग्रामपंचायतीचे सरपंच सर्जेराव माने, वीर सेवा दलाच्या मध्यवर्ती समितीचे क्रीडा व वृक्षारोपण विभागप्रमुख सुभाष मगदूम, स्वयंसेवक विभागप्रमुख अनिल भोकरे, मंदिर कमिटी उपाध्यक्ष अमोल पाटील, सोसायटीचे संचालक आदगौडा पाटील, अशोक एकसंबे, कुमार पाटील आदी मान्यवरांच्या हस्ते वृक्षारोपण करण्यात आले.
करंज, गूळभेंडी, पिंपळ, कॅशिया, रेन ट्री, गुलमोहर, लिंब अशी सात प्रकारची रोपे या वेळी लावण्यात आली. याबरोबर त्याच्या संरक्षणासाठी शेडनेटचे आच्छादनही करण्यात आले. उपस्थित मान्यवरांनी कोरोची शाखेच्या कार्याचे कौतुक केले. स्नेहवस्त्र, श्रीफळ व रोपे देऊन मान्यवरांचा सत्कार करण्यात आला. वृक्षारोपणासाठी संघनायक स्वप्नील उपाध्ये, जिल्हा सचिव विजय बरगाले, शीतल पाटील, बाहुबली उपाध्ये, वीरेंद्र कुरुंदवाडे, जितेंद्र चौगुले, राजगोंडा पाटील, सुभाष खुरपे, राहुल एकसंबे, प्रवीण पाटील, बाहुबली पाटील, शीतल चावरे, कुलभूषण पाटील, सागर चावरे, सतीश पाटील, राहुल पाटील, सूरज पाटील, राजू चावरे, महावीर उपाध्ये, सचिन खोत, पार्श्व पाटील, सोहम पाटील, आविष्कार बरगाले, सुजल कुरुंदवाडे, आदित्य चावरे, अभिजित बरगाले आदी मुलांनी परिश्रम घेतले.